Situata në Kosovë është tensionuar që prej datës 26 maj, kur Policia e Kosovës ndihmoi kryetarët shqiptarë të komunave me shumicë serbe të hyjnë në zyrat komunale, përkundër rezistencës së banorëve lokalë.
Kryetarët e rinj shqiptarë të komunave Mitrovicë e Veriut, Zveçan, Zubin Potok dhe Leposaviq kanë dalë nga zgjedhjet e jashtëzakonshme të 23 prillit, të cilat janë bojkotuar nga komuniteti serb.
Ditën e djeshme dhe të sotme, liderët e BE-së dhe Ballkanit Perëndimor kanë zhvilluar takime në Bratislavë dhe Moldavi.
Kryeministri i vendit, Edi Rama tha në “Opinion” se është takuar me Kurtin dhe Osmanin, por nuk kanë pasur diskutime, sepse sipas tij është një çështje për të cilën janë ata që duhet të vendosin nëse duan të diskutojnë apo jo.
Cili është qëndrimi i qeverisë shqiptare?
Rama: Qëndrimi ynë është shumë i qartë, kjo është një situatë e rrezikshme dhe e panevojshme.
Kush është përgjegjës?
Rama: Nuk më takon mua të nxjerr përgjegjësit. Në Moldavi kanë qenë të pranishëm të gjithë liderët e Evropës dhe disa vendeve të tjera dhe qëndrimi unik i të gjithë liderëve të BE-së është qëndrim i njëjtë me atë të SHBA-së, që kjo situatë është e papranueshme dhe ka dy gjëra për të bër, serbët duhet të kthehen në institucione, Kosova duhet të shpallë zgjedhje të reja menjëherë që situata të vihet në vend.