Këshilli i Emërimeve në Drejtësi ka publikuar raportin vjetor për vitin që lamë pas, 2019 në të cilin sqarohet procesi i përzgjedhjes së anëtarëve të Gjykatës Kushtetuese.
Në raport theksohet edhe fakti se KED u gjend “përballë një situate që shkon përtej parashikimeve kushtetuese e ligjore të mënyrës së organizimit dhe funksionimit të këtij organi kushtetues” sa i takon krijimit të shpejtë të vendeve vakante në Gjykatën Kushtetuese si dhe mosfunksionimit të Këshillave të Mëparshëm.
Më tej i kërkohet edhe Kuvendit të Shqipërisë që miratojë një paketë normash të reja me shtesa dhe ndryshime, mes të cilave edhe në lidhje me çështje që kanë të bëjnë me kompetencat e kryetarit të KED, rregullat e funksionimit të Këshillit etj.
