Pas takimit me deputetët e opozitës, Kryeministri Edi Rama tha se themeli i reformimit zgjedhor është marrëveshja mes PS dhe PD e LSI.
Rama u shpreh se marrëveshjes nuk mund t’i hiqen pjesë, por mund t’i shtohen. Kryeministri tha se me opozitën e re nuk u gjet dot gjuha e përbashkët. Ai shtoi se PS mbetet e gatshme për ta diskutuar formulën e listave të hapura.
Kryeministri iu referua kështu kërkesave të deputetëve opozitarë në lidhje me ndryshimet kushtetuese, listat e hapura dhe koalicionet.
“Nuk kemi një dakordësi për paketën kushtetuese. Dua të jap një mesazh të qartë. Është e vërtetë që shumica dërrmuese e qytetarëve duan të kenë më shumë ndikim në proces. Pra të shprehin edhe preferenca për kandidatët, jo vetëm për kryetarët e partive. Deputetët aktualë të opozitës duhet të mësohen me idene se këtë pengesë duhet ta kapërcejnë” – tha Rama.