Skandalet raciste dhe provokative kundrejt shqiptarëve në televizionet greke nuk ndalen as kur bëhet fjalë për muzikë apo sport.
Së fundmi, në televizionin “MAD” janë ndarë çmimet muzikore për vitin 2020, ku një prej këtyre çmimeve e ka fituar një këngëtar minoritar grek.
Jo rastësisht çmimin ia ka dorëzuar Piro Dhima, himaroiti i shndërruar në grek, që shpesh ka provokuar opinionin me komente raciste.
E ndërsa ka marrë çmimin, këngëtari grek ka thënë se ia dedikon të rinjve nga “Vorio-Epiri”, që është një term i sajuar i propagandës së ekstremistëve grekë për pretendimet territoriale në Shqipëri.
“Jam shumë i lumtur për faktin që ma dha çmimin Pirro Dhima. Duart e tij ngritën në majë të botës Greqinë, por dhe shpirtrat e të gjithë njerëzve në Epirin e Veriut”, tha ai