Kryeministri Edi Rama në takimin me kryetarët e bashkive të vendit në fund të mandatit të tyre, u ndal edhe tek rasti i Dibrës dhe pse jo direkt kryeministri u shpreh se një kryetar bashkie i të gjitha çfarë ndodhin në qytet.
“Duhet ti dalësh përballë e ti thuash nuk duhet të jesh më drejtor hipoteke, ose drejtor poste se nuk e di kryetari i Bashkisë kur posta bën zullume me pensionistët e di që çke me atë punë se kryetari i di të gjitha. Kryetari i Bashksië së Tiranës nuk ka si ti dije të gjitha se është gjithë ai qytet, po si mundet kryetari i bashkisë të dëgjojë që posta të lozi me pensionet”, tha Rama.
Drejtori i Postës së Dibrës, Ilir Vraniçi dhe shefi i zyrës Xhevdet Doda janë vënë në pranga. Dy zyrtarët akuzohen nga Prokuroria për shpërdorim detyre. Prokurorja Xhoana Mehmetaj ka firmosur urdhër-arrestin edhe për punonjësin e postës Gazmir Hasi, i cili akuzohet për vjedhje dhe falsifikim dokumentesh.
Ky person sipas hetimeve ka vjedhur rreth 6 milionë lekë te reja nga pensionet e qytetarëve. Gazmir Hasi ka mundur t’i shpëtojë policisë, pasi ende nuk është arrestuar. Dy shefat e tij akuzohen se nuk e kane pikasur vjedhjen edhe pse në dokumentacionet e plotësuara nga Hasi ka parregullsi. Sipas hetimeve ata kanë pasur dijeni për veprimet e vartësit të tyre. E gjitha parregullsia sipas veprimeve hetimore të kryera dyshohet se ka ndodhur në periudhën janar-maj të këtij viti.