Sot është data 6 Korrik, por punonjësit e Radio Televizionit Shqiptar nuk i kanë marrë ende pagat e muajit Qershor.
Kjo gjë konfirmohet nga punonjës të RTSH-së, të cilët deklarojnë se vonesat e pagave janë një gjë që po ripërsëritet prej 4 muajsh në këtë institucion.
Punonjësit pretendojnë se pagat e RTSH-së janë rreth 600 milionë lekë të vjetra në total dhe sa më shumë ditë që ky fond mujor i pagave të qarkullojë nëpër banka, rritet përqindja e interesit.
Më herët në Radio Televizionin Shqiptar kalonin pagat në datën 1 të çdo muaji.