Nga Armand Bajrami
Te premten u bera ilegal. Po mo, ilegal. Jo i rendomte. Serioz. Mos mendoni “ti me kete fytyre”. Me kete fytyre qe kam u bera. Ilegal mirefilli. I padeshiruar. Koke e kembe injoruar.
Ilegaliteti im nisi ne pikekalimin kufitar te Merdares mes Kosoves dhe Serbise. Udhetoja drejt Nishit. Policia kosovare na priti dhe nderoi si vellezer, si trimi trimat. Madje nje prej tyre guximshem nuk e vonoi as nje “friend request” ne fb (jo mua). Por na thane qe s’hapej ajo dere per ne. Mos o trima, thane.
Oficeret serbe s’u sollen keq. Na respektuan me fytyra te paqta e buze ne gaz. Pastaj na kthyen pas. Brenda a jashte deshires personale (tonen apo te tyren) si trima vume majat nga thembrat.
Se nuk e njohin Kosoven si shtet. Nuk duan te dine se je nisur nga Shqiperia. U vret syte vula e vene ne pasaporte nga policia e Kosoves ne Morine. S’u interesoi as fakti qe isha i ftuar ne token e tyre. Per ta futja nga Kosova konsiderohej ilegale. Kurse une.. ilegal. Ilegal komplet.
Nuk isha i vetem. Kisha edhe tre vajza ne makine. Jolegale dolen dhe ato, por e pranuan qe une kisha nje fare sqime ne ilegalizem. Nje lloj sharmi dhe elegance. Ju druajten performances sime ilegaleske. Ndaj me lane tek sedilja e trete e furgonit. Pse?! Se prej ilegalit ca s’pret.
Udhetimi u zgjat me 4-5 ore te tjera. Me biseda te ngrohta e histori ilegalesh sfiduam te ftohtin dhe deboren qe s’ndalej. Dihet, klandestinet kane vuajtjet e tyre. U desh t’i “faleshim” Maqedonise per tu legalizuar. Qe atje kalimi ne Serbi ishte loje femijesh.
Ne na u hoq “njolla”, po kush lexoi keto radhe duhet ta dije qe ne Merdare nuk kalon dot. Nese i drejtohet ka rrezik potencial ilegalizimi.
Nderkohe diplomacia shqiptare ka steke te larte. Rreket te negocioje ndryshime kufinjsh, te jete e ndjeshme ndaj zhvillimeve ne Venezuele dhe te beje faktorin e paqes e stabilitetit ne rajon.
Mire ben…
p.s.
Meqe nuk eshte lakuar ne tekst, “ilegal” ne rasen kallezore ben “ilegalin”. 😁