Gazetari Erl Murati tregoi një prej skenarëve që po diskutohet në korridoret e Partisë Socialiste për t’i dhënë një zgjidhje të mundshme krizës politike ku ndodhet vendi. Gjatë emisionit ‘A’, në Neës 24, Murati tha kryeministri Edi Rama mund ta çojë vendin në zgjedhje të parakohshme, pasi të ketë fituar të gjitha bashkitë në zgjedhjet ‘monopartiake’ të 30 qershorit.
“Një prej skenarëve që po diskutohet është ky që PS të hyjë në zgjedhje e vetme, të fitojë 61 bashkitë dhe menjëherë më pas Edi Rama mund të shpallë zgjedhje të parakohshme”, tha Murati.
Sa i përket replikave midis Ramës dhe Elez Biberajt, drejtor për Euroazinë në ‘Zërin e Amerikës’, Erl Murati theksoi se kryeministri duhet t’i kishte dhënë përgjigjeve dokumentave të publikuara nga kjo media.