Ballkani po shfrytëzon në maksmimum dënimin e Skënderbeut nga kompeticionet europiane dhe po mundohet të marrë lojtarët më të mirë të korçarëve. Pas Bajram Jashanicës e Nazmi Gripshit, Leonat Vitija do të lërë gjithashtu Skënderbeun, për të kaluar nën urdhërat e Ismet Munishit.
19-vjeçari prej një sezoni është pjesë e korçarëve, ku zbriti vetëm pesë herë në fushë. Ballkani ka besim në aftësitë e mbrojtësit nga Prishtina dhe po punon për ta bërë pjesë të skuadrës së sezonit të ardhshëm.
Vitija është pjesë e kombëtares së Kosovës U21 dhe më parë është aktivizuar me KEK dhe Prishtinën. “Gazeta Olle” raporton se operacioni i transferimit të 19-vjeçarit në Suharekë është në rrugën e duhur dhe ditët në vijim do të jenë vendimtare për të ardhmen e djaloshit.
