Thonë që lumturia në botë nuk mund të blihet nga paratë, por kjo shprehje ndonjëherë nuk funksionon, psh të ato të ndihmojnë të fitosh kampionate dhe kupa.
Për të ngritur në këmbë një skuadër competitive, ekzistojnë disa mënyra. Mund të mbështesësh talente të rinj me shpresën që të bëhen kampionë të mëdhenj apo edhe të blesh kampionë të afirmuar.
Metodën e fundit e ka ndjekur Manchester City. Për momentin, skuadra e cila është me vlerën më të lartë në treg, është ajo angleze.
“Transfermarkt” pasqyron një tabelë në të cilën, futbollistët që Pep Guardiola ka në dispozicion vlerësohen në 1,27 miliard euro.
Më pas vjen Barcelona dhe Real Madrid. Lionel Messi dhe futbollistët e tij të gjithë së bashku vlejnë 1.26 miliard euro.
Madrilenët, kanë një skuadër e cila kap shifrën 1.18 miliard euro.
Pesëshja plotësohet me dy skuadrat e tjera angleze,
Tottenham dhe Liverpool, me kampionët e Europës të cilët kalojnë 1 miliard euro dhe më pas londinezët që renditen shumë pranë këtij kufiri.