Kryesia socialiste në mbledhjen e fundvitit ka kërkuar përgjegjësi konkrete nga cdo i deleguar në qark. Është vendosur që ato të vijojnë punën në cdo asamble socialiste në bashki dhe njësi administrative, duke rritur numrin e kontakteve me të zgjedhurit në cdo strukturë socialiste. Mësohet se përgjegjësit politik gjatë takimeve do të thithin mendime në lidhje me kandidaturat për kryetarë bashkie si dhe këshilltarë bashkiak. Ky proces për kryesinë e PSSH-së është shumë i rëndësishëm për fitoren e zgjedhjeve lokale. Është menduar të organizohen sondazhe në të gjithë territorin e vendit, duke u orientuar te kandidaturat më të mira. Të deleguarit do të kalojnë në “filtër” të gjithë drejtuesit lokal të ndërmarrjeve e institucioneve. Ato që nuk kanë performuar si duhet dhe ka patur ankesa në portalin e bashkëqeverisjes do të zëvendësohen me specialistë të tjerë. Qysh ditët e para të janarit do të mblidhen strukturat socialiste në rang qarku, bashkie e njësie administrative. / P. Hasa /