Zv.sekretari socialist për Bashkëqeverisjen e Aleancat në PS, njëherësh dhe zv.ministër i Mbrojtjes Petro Koçi ka komentuar qëndrimin e opozitës ndaj dorëzimit të Klemend Balilit në polici. Koçi është shprehur se analistët e opozitës gati po na e quajnë dorëzimin e Balilit fatkeqësi, ndërkohë që ishte një goditje e madhe për botën e krimit.
“Analistet e opozites gati po na e quajne dorezimin e Balilit fatkeqesi! Dhe po lene pershtypjen sikur dorezimi erdhi nga qefi e jo nga halli. Une nuk besoj se dorezimi erdhi si pasoje e shtrengimit te lakut prej opozites. Por prej lakut te agjensive ligjzbatuese ku perfshihet edhe kontributi i agjensive partnere. Komentet opozitare nuk inkurajojne veprimin e drejtesise, por inkurajojne boten e krimit. Ne fakt kjo qe ndodhi eshte nje goditje e madhe per boten e krimit”, theksoi Koçi.
Sakaq deputet i Partisë Socialiste Pjerin Ndreu, por edhe drejtues me karrierë të pasur në Policinë e Shtetit, komentoi ngjarjen që ka monopolizuar vëmendjen e mediave, arrestimin e të shumëkërkuarit Kelmend Balili.
Ndreu nuk kupton atë që ai cilëson “një furtunë në gotë”, pra polemikat për arrestimin e Balilit, që për disa ishte vetëdorëzim”: “Rëndësi ka që një person shume i kërkuar është arrestuar. Forma e arrestimit ka ngjallur një furtunë në gotë! Negocimi njihet në format e veprimi të policisë”, tha ai i ftuar në studiot e A2.
Sipas Ndreut ka patur një proces vëzhgimi dhe negocimi, dhe kjo sipas tij është krejt normale për policinë, edhe në operacion e sipër bëhet negocimi.
Me eksperiencën e tij, as episodi i arrestimit nga drejtori i Përgjithshëm Ardi Veliu nuk i bën përshtypje. “Për sa kohë drejtori është funksionar i policisë, mund të kryej atë arrest edhe personalisht”.