Socialistët do të nisin nesër fushatën elektorale për zgjedhjet e pjesshme lokale në qytetin e Peshkopisë.
Ministri i Drejtësisë dhe njëkohësisht drejtues politik për Qarkun e Dibrës Ulsi Manja dhe deputeti Lavdrim Krashi do të takohen me antarë e simpatizantë të PS-së në Pallatin e Kulturës të qytetit verilindor.
Kryesia e PS-së ka vendosur që në garën për zgjedhjet lokale të 6 marsit të konkurojë me ekonomistin Rrahim Spahiu, një specialist dhe drejtues i njohur për qytetarët dibranë.
Përballë Spahiut janë dy kandidatë të djathtë, Luan Haka nën siglën e PD-së dhe Premtim Kryemadhi nën siglën e PDK+LSI.