Asambleja e Partisë Socialiste do të mbahet më 2 qershor në orën 18:00 tek Amfiteatri i Liqenit të Tiranës, e cila ka në rendin e ditës thirrjen e Kongresit të jashtëzakonshëm.
Ky vendim është marrë ditën e sotme, ku socialistët do të mblidhen në këtë datë, e cila përkon me 30-vjetorin e krijimit të Partisë Socialiste.
Sekretari organizativ, Arben Pëllumbi u shpreh për mediet se PS do të çelë një fushtatë të re anëtarësimesh.
“Me çeljen e fushatës së analizave, por edhe të zgjedhjeve në organet bazë të Partisë Socialiste dhe gjithë skemën e analizave, duke filluar nga struktura bazë e jona duke vazhduar deri në bazë qarku, dhe nga ana tjetër mendojmë që të çelim një fushatë të re anëtarësimesh në PS”, u shpreh Arben Pëllumbi.