Zv/kryetari i Gjykatës së Lartë, Sokol Sadushi, sot bëri bilancet e vitit. Sipas Sadushit, Gjykata e Lartë ka një veprimtari transparente dhe të aksesueshme. Ai ta se një prej sfidave kryesore të trupës së gjyqtarëve vijon të mbetet ulja e numrit tepër të lartë të çështjeve të prapambetura. Sipas tij, nga Marsi i vitit 2020 deri më sot numri i çështjeve të prapambetura është ulur në 29 010.
Po ashtu Sadushi nënvizoi edhe se viti 2022 për Gjykatën e Lartë mund të cilësohet si “viti i krijimit të besimit se gjyqësori i ringritur po funksion”.
“Bazuar në disa elementë të matshëm objektivisht gjykata e larë ka tashmë 15 gjyqtarë që mundësojnë formimin e dy trupave gjykuese për çdo kolegj, tre trupa gjykuese me pesë gjyqtarë që njehsojnë praktikën gjyqësore, kolegjet e bashkuara si trupë vendimmarrësse për ndryshimin e praktikës gjyqësore, mbledhjen e posaçme të gjyqtarëve të Gjykatës së Lartë që ka zgjidhur ngërçin e plotësimit të vakancave duke emëruar gjyqtarët e Gjykatës Kushtetuese por edhe një staf administrativ që vijon të plotësohet gradualisht. Për këto arsye ndihemi të bindur se reformimi i drejtësisë ia vlejti dhe është e dukshme që drejtësia po bëhet si në aspektin e drejtësisë penale, civile dhe administrative”, tha Sadushi.