Ambasadori i BE-së në vendin tonë Luigi Soreca në përfundim të orarit zyrtar të procesit të votimit tha se tashmë misioni i BE do të ndjekë procesin e numërimit.
Ai tha se mbyllja e Qendrave të Votimit është vetëm fillimi iu fundit të këtij proces.
“Ishte një ditë e gjatë që nisi në Tiranë dhe mbyllet sërish në Tiranë. Ne kemi qenë në Tiranë, Peqin, Elbasan, Kavaja dhe Durrës. Përveç disa problemeve që janë hasur me aparatet e identifikimit elektronike ajo që kemi parë është që administrata zgjedhore ka punuar pa probleme. Po të gjithë informacionit që kemi mbledhur do ia kalojmë misioni të OSBE që nesër rreth drekës do të bëjë vlerësimin paraprak të këtyre zgjedhjeve në Shqipëri. Mbyllja e qendrave të votimit dhe dërgimi i materialeve zgjedhore etj., është vetëm fillimi i fundit. Ajo që do të bëjmë ne është që do të lejojmë komisionet e qendrave te votimit të kryejnë të gjitha procedurat e tyre por do të v ijojmë më pas sot me vëzhgimin e numërimit deri kur ne shpresojmë të kemi një rezultat”, tha ai.