Kryeministri Edi Rama në një konferencë të përbashkët për shtyp me ambasadorin e BE-së në Tiranë, Luigi Soreca tha se integrimi në BE është në funksion të shtetndërtimit. Soreca i dorëzoi atij raportin e progresit të Komisionit Europian.
“Komisioni konfirmon bindjen e vet se Shqipëria i ka plotësuar kushtet për të nisur qoftë dhe formalisht atë që është vendosur më parë dhe për të marr së bashku me BE diskutimin e anëtarësimit”, tha Rama.
Ai tha gjithashtu se raporti i progresit vulos se Shqipëria vjen nga një proces zgjedhor i padiskutueshëm.
“Raporti e vulos se Shqipëria vjen nga një proces zgjedhor të padiskutueshëm nga pikëpamja e integritetit dhe përputhjes me standardet e OSBE-ODIHR. Së dyti, Shqipëria ka vijuar të përparojë në reforma kyçe, që nga reforma në drejtësi, ku procesi i vetingut nënvizohet si histori suksesi, ku reforma në administratën publike përsëri referohet si një proces që përparon, ku lufta ndaj krimit të organizuar dhe korrupsionit përcaktohet si një luftë që përparon, ku respekti për liritë e të drejtat e njeriut rikonfirmohet si vlerë bazike e proceseve demokratike në vendin tonë, ku politika e drejt peshuar në aspektin e barazisë gjinore nënvizohet dhe vlerësohet, ku përpjekjet tona për të përafruar kuadrin legjislativ me BE vlerësohen”, tha Rama më tej.
Vijon…