Sot janë të tre emra të njohur te fushes politike. Erion Veliaj, Olta Xhacka dhe Ogerta Manastriliu nuk i ka bashkuar poltika, por prej vitesh ata kanë qenë miq në shkollën 9-vjeçare “Dora Distria” në kryeqytet.
Veliaj ka ndarë një moment shumë interesant nga fëmijëria, duke treguar se asokohe me Olta Xhaçkën kishin klubin e tyre të teatrit, ku Veliaj ishte Princi dhe ministrja aktuale e mbrojtjes në rolin e Hirushes.
“Kemi qenë të gjithë bashkë në 9- vjeçare. Është e çuditshme që ti spikat që në fillim njerëzit që do bëjnë gjëra në jetë. Me Oltën, ne kishim klubin tonë të teatrit, që e bënim anglisht hirushen ku une isha princi e ndërsa Olta, hirushja. Ishte një mënyrë se si ne praktikonim anglishten në klasën e 5-të. Me Ogertën, ajo ishte komandantja e klasës së saj edhe unë isha komandanti i klasës time”, tha Veliaj.
Gjithashtu Veliaj ka shtuar se ata takohen shpesh edhe jashtë punës po tashmë që janë bërë prindër, kanë vendosur një rregull të ri, nuk flasin më për punë, por për pelena dhe fëmijët.
