Mbrëmë kreu i PD-së, Sali Berisha i bëri thirrje rinisë që të marrë pjesë sot në protestën e thirrur nga ai para Kryeministrisë. “Të mbrojmë të ardhmen tonë në këtë revolucion”. Ky ka qenë thelbi i mesazhit që Berisha u ka dërguar të rinjve shqiptarë në një video të shkurtër në TikTok.
“Me këtë mesazh ju bej edhe një herë thirrje në ditën e 577-vjetorit të Besëlidhjes së Lezhës, të bashkohem në idealet tona në protestën më të fuqishme që ka njohur vendi. Kjo është një protestë për çdo qytetar. Është protestë në radhë të parë e çdo të riu. Është një proteste në të cilën duam të japim mesazhe se do të mbrojmë të ardhmen tonë me këtë revolucion. Por revolucionet kanë dhe duhet të kenë udhëheqës të rinj, guximin, qëndresën, idealet, ëndrrat e tyre të bukura”,-thotë Berisha.
@prof.dr.saliberisha Të mbrojmë të ardhmen tonë në këtë Revolucion! #sb ♬ original sound – Sali Berisha