Këtë të premte, rreth orës 12:30 pritet që të zhvillohet seanca gjyqësore në Gjykatën e Tiranës për nënën lehonë, Diana Bahçen, e cila u arrestua pak ditë pasi lindi djalin e saj, pasi kishte marrë një gjobë prej 250 mijë lekësh që iu konvertua në një muaj burg.
Një ngjarje e cila ka përfshirë politikën dhe ka prekur opinionin publik, bën që biznese të ndryshme në Shkodër të ofrohen që t’i paguajnë gjobën 25-vjeçares, në mënyrë që vendimi për arrestimin e saj të pezullohet dhe ajo të kthehet pranë fëmijës së saj.
Avokatët kërkojnë pezullimin provizor të këtij vendimi dhe të ekzekutohet pasi foshnja të mbushë 1 vjeç. Të gjithë presin lirimin e Diana Bahçes. Pas vendimit, pritet të ketë edhe një konferencë për mediat nga avokatët.