Sot seanca për dosjen Babale, rrezikon deputeti Salianji të shkojë në burg?

Sot në Apelin e Tiranës do të zhvillohet seanca për deputetin e PD-së, Ervin Salianjin dhe gazetarin Jetmir Olldashi për dosjen Babale. Salianji u shpall fajtor për veprën penale “kallëzim i rremë” në lidhje me çështjen “Babale” dhe u dënua me një vit burg nga Gjykata e Shkallës së Parë. Në Apel e ka çuar çështjen dhe gazetari Jetmir Olldashi, i cili u dënua me 6 muaj burg të konvertuar në 100 orë shërbim komuniteti. Nëse Apeli do të konfirmojë vendimin e Shkallës së Parë, atëherë deputeti Salianji rrezikon burgun.