Ka vrarë nënën e tij pas një sherri, e ka ndarë trupin në copa të vogla, që i ka shpërndarë nëpër shtëpi, duke i ngrënë më pas me ndihmën edhe të qenit të tij. Ngjarja makabre që ka tronditur opinionin publik ka ndodhur në Madrid, nga një kanibal.
Policia ka gjetur trupin e shpërfytyruar të 66-vjeçares Maria Soledad Gomez, pas denoncimit të një mikeshe të saj që nuk e shihte prej muajsh. E alarmuar ajo ka kontaktuar me policinë, e cila ka kontrolluar shtëpinë në të cilën gruaja banonte me djalin 26 vjeçar, Alberto Sanchez Gomez.
I riu ka ngjallur menjëherë dyshimet e policisë, pas hyrjes së agjentëve në shtëpi. Më pas zbulimi makabër i forcave të policisë, që kanë gjetur të shpërndara nëpër shtëpi pjesë të trupit të gruas.
Shoku ka qenë aq i madh, aq sa një prej policisë ka dalë nga shtëpia pasi ka pasur të vjella të mëdha.
Baza e hetimeve të para, janë sherret e vazhdueshme të djalit me nënën, ku shpesh herë gruaja keqtrajtohej nga djali i saj. Viktima e ka denoncuar 12 herë fëmijën e saj dhe për shenjat e vazhdueshme që Gomez kishte në trup, gruaja justifikohej tek fqinjët se rrëzohej teksa shëtiste qenin. (BW)