Dy ditë më parë doli lajmi se në qeverinë “Rama” priten të ndodhin ndryshime që do të përfshijnë 4 ministra, nga të cilët dy prej tyre u aluduan se ishin Gent Cakaj dhe Besa Shahini.
Ministrat kosovarë do të riktheheshin në Kosovë ku do t’i bashkoheshin formacionit politik të PDK-së. Një lajm i tillë është përgënjeshtruar nga zyra e shtypit të ministrit Cakaj e cila pohon se ministri është në detyrë dhe i fokusuar në realizimin e suksesshëm të detyrave të caktuara gjatë këtij mandati
“Cakaj është Ministër në detyrë për Evropen dhe Punët e Jashtme i Shqipërisë si dhe Sekretar i Partisë Socialiste te Shqipërisë. E gjitha puna e tij është e fokusuar tek realizimi sa me i suksesshëm i detyrave të cilat i janë caktuar dhe mbi të gjitha këtij mandati. Çdo punë e tij e zhvilluar deri më sot shkon në përputhje me mandatin e tij. Kjo për t’u nënvizuar. Më vjen keq, por çdo gjë tjetër është spekulim për qëllime politike”, kanë thënë nga Zyra për Media e Ministrisë së Jashtme të Shqipërisë për gazetën Exspress.