Ministrja për Marrëdhëniet me Parlamentin, Elisa Spiropali ka thënë se Partia Socialiste ka qenë e detyruar për të zgjedhur Ilir Metën si president, pasi nuk i kishin votat e duhura për të zgjedhur një tjetër person. E ftuar në Syri.net Spiropali është shprehur se përfshirja e presidentit në fushatën zgjedhore është krim zgjedhor. Ndër të tjera ajo ka folur edhe për reformën në drejtësi ku ka thënë se partnerët ndërkombëtarë e vlerësojnë qeverinë për reformën në drejtësi.
“Krimi zgjedhor është përfshirja e presidentit të republikës në fushatën zgjedhore. Presidenti ka marrë armët virtuale dhe është nisur për në betejë. Po t’i kishim votat vetë nuk e votonim Ilir Metën, jo. Po të kishim votat ne nuk zgjidhnim një president si ai. Të jeni të sigurt se do zgjidhnim një president siç i duhej vendit. Partnerët ndërkombëtarë na thonë “bravo iu qoftë” që ikën 300 prokurorë dhe gjykatës që turpëronin sistemin e drejtësisë në Shqipëri. U them shqiptarëve që të jeni krenarë që për herë të parë në 30 vite kemi pastruar institucionet e drejtësisë”, tha Spiropali.