Ministrja për Marrëdhëniet me Parlamentin, Elisa Spiropali gjatë fjalimit të saj në foltoren e Kuvendit është shprehur se në këtë mandat qeverisë, është shtuar barra e përgjegjësisë ndaj qeverisë.
Ajo tha se vota e 25 prillit dëshmoi se tashmë në Shqipëri mjetet për të fituar zgjedhjet nuk është bojkoti apo shantazhet, por vetëm motivimi i elektoratit, qëllimi i lartë me vizion bindës.
“Ne do të përpiqemi çdo ditë me përulësinë që meriton dhe dikton besimi që qytetarët shqiptarë na dhanë. Ne do të angazhohemi fort ne diskutime në komisione, debat parlamentar duke evituar tollovinë e kukurisjeve pa moral. Jemi të vetëdijshëm për gabimet tona të pafalshme tonat si po ashtu tani e tutje barra e shtuar e përgjegjësisë kërkon një qasje më të moderuar.
Nuk do të shpërfillim aspak thelbin e akuzave. Jo vetëm për fëmijët tonë por për të gjithë fëmijët shqiptarë që nuk nuk duan të shohim një teatër kukullash, por njerëz të arsyeshëm, idealistë që shprehin se vota vlen. Vota e 25 prillit dëshmoi se tashmë në Shqipëri mjetet për të fituar zgjedhjet nuk është bojkoti apo shantazhet, por vetëm motivimi i elektoratit, qëllimi i lartë me vizion bindës. Ju ftoj të reflektojmë mbi ndikimin negativ mbi shoqërinë
. Barra më e madhe dhe përgjegjësia na bie ne, shumicës. Ne do ta mbajmë këtë barrë dhe do t’ia dalim duke kultivuar tolerancën, frymën e dialogëve me ju që nuk jeni armiqtë tonë, por konkurrentë. Ne do të vijojmë të mbështetemi tek aleanca e SHBA dhe BE si në asistencën e jashtme edhe tek politikat e brendshme. Ne jemi të vetëdijshëm që Shqipëria nuk kalon në nivele të tjera të zhvillimit. Por ne jemi të bindur se për Shqipërinë ka filluar një epokë e re zhvillimi. Ambicia jonë është më shumë në një kantier reformash që po jetësohen. Ky është një mandat vendimtar për Shqipërinë.”– tha Spiropali.