Fqinjët e 26-vjeçarit Martin Çeço, i cili u mbyt me litar dhe më pas u hodh në rezervuarin e Maliqit, e përshkruajnë të ndjerin si një person shumë pozitiv dhe të qetë.
“Djalë shumë i mirë, ne po bëjmë vite afër kësaj familje jemi komshinj, ata shikonin punën e tyre. Ne jemi habitur s’po marrim dot veten, i ati s’e ka kuptuar akoma është në gjendje shumë të rëndë, edhe i vëllai donte të mbytej mbrëmë”, tha fqinja e familjes Çeço për “News24”.
Një tjetër fqinje tregon se Martini nuk ishte aspak një person problematik.
“Djali nuk ngatërroheshe me njeri, na ka ardhur shumë keq, kur e morëm vesh që si u mbyt na u drodh mishi, si ka mundësi ai, as nuk ngacmonte as nuk trazonte njeri. Neve kur morëm vesh për lidhje u çuditëm ai nuk ju fliste as vajzave të fshatit, jo të lidheshe. Thonë që vajza ishte nga Goskova, të tjerët thonë është nga Marjani i Oparit.”