Pjelloria zvogëlohet me kalimin e viteve, por ajo mund të ruhet me një mënyrë jetese të përshtatshme: shmangia e drogës, duhanit, abuzimi me alkoolin, ndjekja e një diete të ekuilibruar dhe ushtrimi i aktivitetit fizik.
Për burrat infertiliteti më i zakonshëm është ai i varikocelës, i ndjekur nga inflamacioni i testikujve, sëmundja e prostatës. Për gratë janë patologji të tilla si fibroidet e mitrës, endometrioza, ndryshime hormonale dhe ovulative.
Rreziku i infertilitetit rritet me moshën: pas 30 vjetësh për gratë dhe pas 40 vjetësh për burrat, cilësia gjenetike e ovocitëve dhe spermatozoideve përkeqësohet. Por për qëllimin e pjellorisë nuk është vetëm mosha që ndikon: stili i jetës gjithashtu. Marrja me pak sport ose duke përdorur anabolikë është një faktor rreziku. Edhe aktiviteti sportiv intensiv, i pa kompensuar nga ushqimi adekuat, mund të përcaktojë këtë pasojë, si dhe një peshë të papërshtatshme: mbipesha dhe dobësimi i tepërt shkaktojnë më shumë që 12% të infertilitetit total.
Dëmet e pirjes së duhanit
Rreth 13% e infertilitetit femëror varet nga pirja e duhanit: është e dëmshme për vezoret, ndërsa te burrat kompromenton procesin e prodhimit të spermës, përqendrimit, lëvizshmërisë, gjallërisë dhe morfologjisë. Cigaret janë gjithashtu ndër fajtorët kryesorë të mosfunksionimeve seksuale, veçanërisht për personat nën 40 vjeç. Alkooli ndërhyn në funksionimin e gjëndrave që rregullojnë prodhimin e hormoneve seksuale dhe shkakton një ulje të pjellorisë tek të dy partnerët.
Sëmundjet seksualisht të transmetueshme
Më pak i njohur është roli i sëmundjeve seksualisht të transmetueshme: ato që shkaktojnë një shkallë më të lartë të infertilitetit janë klamidia dhe gonorrea, të cilat mund të krijojnë një infeksion kronik ose akut në dëmtimin e organeve gjenitale dhe duke ndikuar shumë në pjellorinë.