Jens Stoltenberg do të qëndrojë edhe për një vit si shef i NATO-s, kanë thënë burime për Politico-n. Një zyrtar amerikan ka thënë se zgjatja e udhëheqjes së sekretarit të përgjithshëm “është marrëveshje e kryer”. Sipas një diplomati evropian, kjo do të zyrtarizohet javën e ardhshme.
Po ashtu, një diplomat tjetër evropian dhe një zyrtar i NATO-s konfirmuar se ka pasur konsensus brenda aleancës për zgjatjen e mandatit.
Vetë Stoltenberg ka pohuar prej kohësh se ai nuk po lobonte në mënyrë aktive për të qëndruar në Bruksel. I pyetur për planet e tij në një konferencë për shtyp të martën, ai këmbënguli se pikëpamja e tij nuk kishte ndryshuar.
“Kur vjen puna për veten time, unë e kam bërë të qartë pozicionin tim shumë e shumë herë,” tha ai. “Unë nuk kërkoj një zgjatje, dhe kjo është ajo që e kam deklaruar shumë herë më parë,” shtoi ai.
Stoltenberg, ish-kryeministër i Norvegjisë, ka shërbyer si shef i NATO-s që nga viti 2014 dhe mandati i tij shtyre disa herë.
Aleatët kanë kaluar muaj duke menduar një pasardhës tjetër, si kryeministrin danez Mette Frederiksen dhe sekretarin e Mbrojtjes të Britanisë, Ben Wallace, para se të vendosnin për sekretarin aktual.