Kryeministri Edi Rama ka ndarë një foto nga apartamentet e reja që u shpërndanë sot për 97 familje në Lezhë, banesat e të cilëve ishin prekur nga tërmeti.
Ai e ka vlerësuar këtë ditë si një nga “ato momentet e bukura njerëzore”.
Përmes një mesazhi, kreu i qeverisë theksoi se shumë sharje e shpifje ka marrë për çështjen e rindërtimit, ndërsa shtoi se të gjitha fjalët i merr era dhe mbeten veprat.
Mesazhi i plotë
Ky është nga ato momentet e bukura njerëzore, kur mbushesh i gjithi me ndjesinë e bukur të vlerës së pazëvendësueshme të politikës në të mirë të jetës së njerëzve dhe i bën hallall sharjet, mallkimet, shpifjet, streset e mundimet e të marrurit me politikë për të shërbyer, jo për të rrëmbyer😍
Sa shumë mosbesim, ankesa, akuza, përqeshje e shpoti kur përsërisja do t’i kthejmë të gjithë në shtëpi; sa shumë sajesa e fantazi për shtëpitë që nuk do ndërtoheshin kurrë; për banesat që s’do jepeshin kurrë falas; për sa e sa çudira mendore teksa duhet të shtrëngonim dhëmbët nga vonesat objektive të pandemisë e nga lloj-lloj yçklash; sa kënaqësi kur të tëra fjalët i merr era dhe veprat mbeten të vetmet që flasin😅