Presidenti kroat Zoran Milanovic ka qenë pjesë e një forumi të mbajtur në një nga universitetet më të mira në botë, Columbia University, në një panel me studentë.
Bekim Bruka nga Kukesi, student i Columbia University e pyeti presidentin kroat për nismën Open Ballkan. Milanovic tha se kjo inciativë nuk dëmton rrugën e integrimit të Ballkanit, por se të pestë vendet e Ballkanit Perëndimor ato kanë pozicione të ndryshme.
PYETJA: Përshëndetje z. President është nder tu kemi këtu. Unë jam Bekim Bruka, student i shkencave politike në Columbia University dhe pyetja ime është cili është pozicioni zyrtar i presidentit të Kroacisë për iniciativën Open Balkan nisur nga Presidenti i Serbisë dhe kryeministri i Shqipërisë dhe a përbën një kërcënim për integrimin e vendeve të Ballkanit në BE?
Zoran Milanovic: Në njohurinë time përfshin tre vende? Pra, Shqipëria, Maqedonia e Veriut dhe Serbia. Nuk shoh asgjë në këtë iniciativë që do të përbënte rrezik për çështjen evropiane të këtyre vendeve. Por pozicionet janë të ndryshme. Në rastin e Shqipërisë shoh përpjekje reale dhe sinqeritet. Në rastin e Kosovës, që ju nuk e përmendet, e shoh që vjen nga një nga këto vende, është më shqetësuese pasi pesë shtete te BE nuk e njohin Kosovën si të pavarur sipas ligjit ndërkombëtar. Pra si shtet. Maqedonia është e njohur plotësisht, nënshkroi marrëveshjen me Greqinë për emrin. Së fundmi ka mbetur për shkak të Bullgarisë, disa çështje edukimi dhe libra historie në shkollat publike të Maqedonisë. Nuk mund ta besoj këtë, është histori, një hapësirë e shtetit dhe nuk ndërhyhet në të. Hapësirat e hapura po, por duhet të shohim çdo të ndodhë.