Të moshuarit që morën vaksinën e katërt Pfizer-BioNTek kundër koronavirusit kishin një shkallë vdekshmërie 78 për qind më të ulët nga kjo sëmundje sesa ata që morën vaksinën e tretë, tregoi një studim izraelit i publikuar sot.
Shërbimi më i madh shëndetësor në vend, Clalit, njoftoi se studimi 40-ditor përfshinte më shumë se gjysmë milioni njerëz të moshës 60 deri në 100 vjeç, raportoi Reuters.
Rreth 58 për qind e pjesëmarrësve në studim morën dozën e katërt të vaksinës, ndërsa pjesa tjetër mori dozën e tretë. Studiuesit regjistruan 92 vdekje në grupin e parë dhe 232 vdekje në grupin e dytë, më të vogël.
“Përfundimi kryesor është se doza e katërt e vaksinës është shpëtimtare”, tha Ronen Arbel, një studiues në Kolegjin Clalit dhe Sapir.