Efektet relaksuese të kanabisit mund të rrisin kënaqësinë seksuale, veçanërisht tek gratë.
Kjo është ajo që doli nga një hulumtim i koordinuar nga seksologia Amanda Moser i botuar në Journal of Cannabis Research . Prandaj, marihuana mund të jetë çelësi që gratë mund të përdorin për të arritur orgazma të shumta .
Studiuesit anketuan më shumë se 800 njerëz të moshës 18 deri në 85 vjeç në lidhje me përdorimin e kanabisit dhe efektet e tij në shije dhe prekje, si dhe në funksionimin dhe kënaqësinë seksuale. Rezultatet treguan kënaqësi më të lartë seksuale, pavarësisht nga mosha apo gjinia, e lidhur me përdorimin e butë të kanabisit. Në mënyrë të detajuar, mbi 70% e të anketuarve raportuan se përdorimi i kanabisit para seksit rriti dëshirën dhe intensitetin e orgazmës, ndërsa 62.5% thanë se kanabisi rrit kënaqësinë gjatë masturbimit.
Studimi tregoi gjithashtu se marihuana ka efekte më të mëdha në kënaqësinë seksuale të femrave.
“Gratë mund të kenë më shumë gjasa të përjetojnë orgazëm kur përdorin kanabis para marrëdhënieve seksuale, gjë që mund të kontribuojë në barazinë në sasinë e orgazmave dhe kënaqësisë seksuale të përjetuar nga burrat dhe gratë,” përfundon raporti.
Mw shumë se 70% e të intervistuarve thanë se marrja e kanabisit përmirësoi shqisat e shijes dhe prekjes, dy shqisa të përdorura gjerësisht gjatë marrëdhënieve seksuale dhe të cilat, theksojnë studiuesit, mund të rrisin funksionimin dhe kënaqësinë e përgjithshme seksuale.
Sondazhi nxori në dritë edhe një shifër që bie ndesh me trendin e studimeve të mëparshme. Në fakt, nga të dhënat, kanabisi nuk pengon aftësinë e meshkujve për të arritur dhe mbajtur një ereksion.
“Megjithatë – nënvizuan autorët – paragjykimi shoqëror mund të ketë penguar njerëzit që iu përgjigjën pyetjeve të raportojnë probleme me ereksionin”./Tgcom