Mbi një e treta e përdoruesve në nivel global janë të gatshëm të japin të dhënat e tyre personale në këmbim të parave. Më shumë se gjysma e personave që përdorin internetin thonë se të kesh një privatësi totale në një botë digjitale është e pamundur. Ky është rezultati i një studimi të Kaspersky Lab me 11.887 përdorues në të gjithë botën.
Pavarësisht skandaleve mbi privatësinë, atij të Cambridge Analytica apovjedhja e të dhënave nga zinxhiri i hoteleve Marriott, më shumë se një e treta e njerëzve, 39 për qind, ishin të gatshëm ti dhënin një të panjohuri akses total në të dhënat private në këmbim të parave.
Nga studimi del gjithashtu se një e katërta e personave kanë vënë re ndërhyrje në të dhënat e tyre personale nga persona të panjohur pa u dhënë asnjë leje. Megjithatë 62% e personave mbrojnë të dhënat e tyre me fjalëkalim. Në fund studimi vë re një ndryshim mes gjinive. Një burrë në pesë zgjedh kriptografinë për ti bërë sekrete të dhënat, ndërsa një në dhjetë gra e bën këtë gjë.