Komiteti këshillues i FDA ka bërë një deklaratë dhe që duhet të informohen të gjitha ata persona që kanë bërë ndërhyrje me fillera në fytyrë, buzë apo pjesë të tjera të trupit.
Nëse këto persona bëjnë vaksinën e anti-covidit të Modernas mund të përjetojnë enjtje dhe inflamacion me vaksinën e koronavirusit .
Sipas komitetit, disa pjesëmarrës në provë, që kishin fillera në fytyrë, kanë përjetuar efektet anësore. Një dermatolog nga Kalifornia tha se reagimi ishte imunologjik.
“Sistemi juaj imunitar që shkakton inflamacion ringjallet kur merrni një vaksinë, kështu duhet të funksionojë”, tha Dr. Shirley Chi, e cila vuri në dukje se efektet anësore u trajtuan lehtësisht nga personeli mjekësor. “Kështu që është normale që ju do të shihni një përgjigje imune në zona të caktuara, ku vërehet ndonjë substancë që nuk është një substancë e natyrshme në trupin tuaj.”
Megjithatë, ajo tha se efektet anësore nuk duhet t’i ndalojnë njerëzit të bëjnë vaksinën.