Në këto ditë të pazakonta, kur nëse arrin ta thyesh pak monotoninë e vëtë-izolimit konsiderohet si jashtë “normales”, nuk presim të na ndodhë ndonjë gjë e veçantë. Megjithatë, mund të ndodhë që njësoj si Dojna Mema të bëhemi pjesë e rrjeteve sociale të një dizajneri të famshëm si Alessandro Dell´Acqua. Moderatorja e ”Pop Culture” është bërë pikërisht sot pjesë e Instagram-it të italianit.
Dell´Aqua, i njohur për punën e tij përgjatë viteve në fushën e modës, italiane dhë ndërkombëtare, ka zgjedhur të ndajë një foto të Dojnës, ku ajo mban veshur një fustan të “Numeroventuno” ose N.21, firmë e krijuar nga dizajneri i famshëm.
Nuk ndodh çdo herë të vihesh re dhe të reklamohesh nga një njeri i rëndësishëm i modës dhe duket se Dojna përmbsh me sukses kriteret e asaj që Dell´Aqua e cilëson si të bukur dhe të veçantë. Jo se ne kemi pasur ndonjëherë dyshime.