Stilisti shqiptar, Valdrin Sahiti, falë punës dhe talentit të tij ka arritur të jetë mjaft i njohur dhe për tregun ndërkombëtar.
Së fundmi, këngëtarja amerikane Yung Miami ia ka lënë në dorë atij paraqitjen e saj për eventin “Bet Aëards”, i cili u mbajt mbrëmjen e djeshme. Artisja ka publikuar në “Instagram” disa foto ku shihet me fustanin e gjelbër që mban “vulën” e dizanjerit shqiptar.
Kjo nuk është hera e parë për dizanjerin pasi ai ka veshur edhe emra të njohura të skenës ndërkombëtare.
Për të folur për këtë, Valdrin Sahiti ka qenë para pak kohësh i ftuar në emisionin “NiN” në Klan Kosova.
Sahiti rrëfeu për rrugëtimin e tij drejt suksesit dhe si arriti që emrin e tij ta kthente në një brand. Pak javë më parë emri i tij bëri bujë pasi Beyonce zgjodhi të vishej me një nga krijimet e tij në mbrëmjen e ceremonisë së çmimeve Grammy.