Mbrëmë vonë, ambasada e SHBA-së në Tiranë ndau me publikun një alarm për samitin botëror që do të mbahet në Durrës me temë “Irani i Lirë”, ku theksoi se një kërcënim i mundshëm rrezik këtë event.
Muxhahedinët e MEK, që janë të akomoduar në kampin Ashraf në Manëz të Durrësit, e konsiderojnë jo diçka të re rrezikun për një sulm terrorist. Ata shprehen se kërcënimet nuk janë të reja, dhe se konferenca do të mbahet me mijëra njerëz që do të marrin pjesë edhe online.
“Fashizmi fetar që sundon Iranin në 40 vite nuk ka reshtur së bëri çdo kundër muxhahidëve, nga masakra e të burgosurve te terrorizmi dhe vrasjet e njëpasnjëshme. Shpërthimi i vitit 2018 në Villepinte nga diplomatët në shërbim është një shembull. Kërcënimet e regjimit fetar nuk janë të reja për ne. Të gjithë janë informuar për kërcënimin e paralajmëruar nga ambasada amerikane. Vitin e kaluar morën pjesë online 50 mijë pikë nga 105 vende. Këtë vit kushdo që dëshiron mund të marrë pjesë online dhe konferenca do të mbahet gjithsesi”, thuhet në reagimin e zyrtarëve të kampit Ashraf 3 në Manëz të Durrësit për “Report Tv”.