Eksperti i sigurisë Ilir Kulla shprehet se të dhënat personale nuk janë të sigurta dhe se mbrojtja kibernetike për një vend anëtar i NATO-s duhet të jetë prioritet dhe se reagimi duhet të jetë në raport me kërcënimin.
Nëse nuk merren masa, sipas tij, pritet që pasojat të jenë të tmerrshme.
“Në të gjithë këto kohë nuk kemi parë asnjë lloj përgjegjshmërie. Kur sheh që informacione policore dalin në media për shkak të hakerave, kupton që nuk vetëdije në raport me çështjen e të dhënave personale. AKSHI nuk ka pasur akses tek Banka e Shqipërisë, apo Sigurimet shoqërore, sepse ajo që ndodhi muaj më parë me ekspozimin e të dhënave është e tmerrshme. Çdonjëri që merret me punë të rëndësishme duhet ta ndjejë veten të pambrojtur. Qoftë nga AKSHI apo institucione të tjera nuk është mbajtur përgjegjësi. Mbrojtja kibernetik është një nga prioritetet dhe duhet të kuptojmë që investimet në këtë drejtim duhet të bëjnë dallim gjatë”, tha Kulla në emisionin “Kjo Javë”.