Gjatë fjalimit të tij në Asamblenë e Përgjithshme të Kombeve të Bashkuara, kryeministri Edi Rama u ndal te situata e krijuar jo vetëm në Evropë, por në të gjithë botën pas nisjes së luftës në Ukrainë.
Agresionin rus në Ukrainë, kreu i qeverisë e cilësoi si një sulm të drejtpërdrejtë mbi arkitekturën e sigurisë evropiane.
“Në këto 8 dekada kemi qenë dëshmitarë të një mobilizimi të pashembullt, të një domosdoshmërie të gjithëkohshme për të punuar së bashku. Nga ana tjetër nuk duhet të harrojmë kurrë se rrugëtimi ynë ka qenë me pengesa. Kemi qenë dëshmitarë të kthimeve mbrapsht dhe të përmbysjeve të progresit. Kjo ka ndodhur për shkak të politikave të ngushta kombëtare…dhe lakmia për dominim. Këtë vit shpresat dhe besimet tona janë copëtuar hidhur…nga një luftë e paprovokuar në Kontinentin Evropian. Lufta me zgjedhje e Rusisë është kundër Ukrainës por është edhe një sulm brutal ndaj së drejtës ndërkombëtare…Ne do të qëndrojmë në solidaritet me Ukrainën dhe popullin e saj.”
Për sulmin kibernetik të Iranit në vendin tonë, Rama u shpreh se Shqipëria nuk pati rrugë tjetër përveçse të ndërpriste marrëdhëniet diplomatike me Iranin.
“Në Shqipëri 95% e shërbimeve ofrohen online për të kursyer kohën, energjinë dhe përmirësojnë cilësinë. Korrikun e kaluar Shqipëria u bëj objekt i një sulmi të paprovokuar kibernetik që kishte synim paralizimin e shërbimit publik. Një hetim i thelluar, i gjatë dhe tërësor i kryer me ekspertizë botërore ka konfirmuar se sulmi kibernetik ishte një sponsorizim i Iranit. Duke u përballur me një shkelje kaq flagrante të normave në një kohë paqeje, qeveria shqiptare nuk pati zgjidhje tjetër veçse të ndërpriste marrëdhëniet me Iranit. Shpresojmë që kjo masë të jetë shembull. I bëjmë thirrje OKB të përqendrohet te siguria kibernetike dhe duke investuar në parandalim. Shqipëria është anëtare e Bashkisë së Ballkanit, një pjesë e Evropës me histori të trazuar.”