Një ngjarje e rëndë është shënuar në orët e para të mëngjesit pranë godinës së televizionit Top Channel. Persona ende të paidentifikuar kanë qëlluar në drejtim të medias në rrethana ende të paqarta rreth orës 01:00. Si pasojë, ka humbur jetën roja i sigurisë i godinës, Pal Kola 60 vjeç.
Policia e Vlorës është angazhuar për ngjarjen e rëndë. Arsyeja pse janë mobilizuar autoritetet në Vlorë, është se mjeti me të cilin kanë udhëtuar autorët e sulmit ka lidhje me qytetin bregdetar.
Automjeti Range Rover, me të cilin kanë udhëtuar autorët e sulmit ka lidhje me Vlorën. Policia po vëzhgon kamerat e sigurisë për të parë nëse ky automjet ka lëvizur në Vlorë ditën e sulmit.