Pesë persona të dyshuar për përfshirje në sulmin terrorist të 13 nëntorit në Stamboll janë arrestuar në Bullgari.
Prokuroria kërkon arrest për një kohë të pacaktuar për sirianin Amran Abdulrami, Peter Topal, i cili ka nënshtetësi bullgare dhe moldave, si dhe shtetasit moldavë Ivan Kalak dhe Leonid Aksakal. E dyshuara e pestë është një grua me probleme shëndetësore, e cila nuk duhet të jetë në burg.
Ata akuzohen për ofrimin e ndihmës logjistike në arratisjen e të dyshuarit të dytë kryesor në sulmin në Stamboll.
Agjencia Anadolu raportoi sot se policia antiterroriste në Stamboll arrestoi tetë persona të tjerë të dyshuar se ndihmuan ata që kryen shpërthimin.