Në rrugën “Dritan Hoxha” është sulmuar automjeti i drejtorit të TIA, Costandin Von Alvensleben. Ka qenë vetë drejtori gjerman i TIA ai që ka kallëzuar të gjithë dinamikën e ngjarjes së regjistruar rreth orës 08:30 të mëngjesit të djeshëm.
Costandin Von Alvensleben është qëlluar me gurë teksa udhëtonte me automjetin e tij. Momenti i sulmit është fiksuar edhe nga kamerat e sigurisë në zonë ku mësohet të jetë kryer nga një i ri i maskuar me një kapuç, raporton Report tv. Fatmirësisht veç dëmeve materiale, Alvensleben, nuk ka pësuar dëmtime ndërsa Policia e Tiranës ka nisur hetimet për ngjarjen duke sekuestruar dhjetëra kamera sigurie të bizneseve në zonën ku ndodhi ngjarja ndërsa motivet mbeten të paqarta.