Milot Rashica pritet të largohet nga Werder Bremeni dhe të gjejë një destinacion të ri. Shqiptari i Kosovës pëlqehet nga shumë ekipe të njohura në Gjermani, Angli e Itali.
Teksa sezonit aktual po i vjen fundi, kanë nisur të rriten spekulimet për të ardhmen e yllit kosovar.
Sipas mediave italiane, garës për transferimin e 23 vjeçarit i është shtuar së fundmi edhe Milani.
Kuqezinjtë janë gati të shpenzojnë 16 milionë euro për yllin shqiptar, në rast se Werder bie nga kategoria, në të kundërt vlera e Rashicës do të jetë 30 milionë euro.
Kuqezinjtë duan një futbollist të shpejtë në krah dhe duket se Milot Rashica është i preferuari i drejtuesve.