Patëllxhani është një nga ushqimet më të shëndetshme dhe që përdoret në shumë receta.
Është një ushqim që ndihmon në luftimin e mbipeshës dhe ka veti që parandalojnë shfaqjen e sëmundjeve të ndryshme, si edhe lufton plakjen. Për çdo 100 gramë ka vetëm 20 kalori, ndaj ndihmon në eliminimin e yndyrës.
Megjithatë, këto nuk janë të mirat e vetme të patëllxhanit, pasi konsumimi i rregullt i tij ndihmon në mbrojtjen e shëndetit cerebrovaskular, rregullon nivelet e sheqerit dhe presionin e gjakut (të dobishme për njerëzit me tension të lartë) dhe përmirëson shikimin.
Përmbajtja e tij e lartë e fibrave ndihmon tretjen, largimin e kolesterolit nga mëlçia dhe parandalon ngjitjen e tij në arterie.
Nga ana tjetër, shërben për parandalimin e anemisë, për përmirësimin e qarkullimit të gjakut dhe funksionimin e tëmthit.
Patëllxhani bën mirë edhe për kockat, duke pasur parasysh se përmban acid folik, vitamina, minerale, kalcium dhe hekur. Gjithashtu, besohet se patëllxhani ndihmon në stimulimin e rritjes së flokëve, pasi përmban vitaminë B3.