Këtë të hënë, studentët e këtij viti në Shkollën e Integrimit Evropian që zhvillohet nga Kuvendi, u përballën me shijen e vërtetë të sjelljes së klasës politike. Në hapje të ceremonisë ra në sy mungesa e Jorida Tabakut e cila drejton Këshillin Kombëtar të Integrimit. Ajo erdhi në sallë vetëm kur u largua kryetarja e Kuvendit, Elisa Spiropali.
”Do të kisha dashur të isha që në fillim të takimit pasi unë jam kontribuuesja kryesore që kjo shkollë të vijojë edhe këtë vit, por fatkeqësisht si cdo aktivitet tjetër edhe ky aktivitet u vodh pak. Të vjen keq kur vidhen fondet publike, kontratë koncesionare, por të vjen keq dhe kur puna në këtë rast u desht të përdorej për ndasinë tonë politike”,– tha Tabaku.
Tabaku sqaroi për Report TV se ajo ishte organizatore, si drejtuese e Këshillit Kombëtar të Integrimit, dhe nuk e kishte ftuar kryetaren e Kuvendit dhe nuk kishte pranuar të ulej në një tryezë me të në kushtet kur 20 kolegë të saj janë të përjashtuar. Në fakt vitet e kaluara kryetarët e kanë përshëndetur këtë ceremoni, por kësaj radhe Tabaku duke se është ndikuar nga konflikti mes mazhorancës dhe opozitës.