Ish-ministri Saimir Tahiri ka shprehur ngushëllimet familjes së 22 vjeçares që humbi jetën në aksidentit e rëndë dje në Tiranë.
Në një mesazh të lënë në Facebook për kryetaren e FRESH në Njësinë 6, Rajselda Hamza, ai ka kujtuar kohën kur kanë punuar bashkë.
“Të preu jetën në mes një aksident i mallkuar. Punuam gjatë bashkë, e tani jam pa fjalë!
Shpikim aq armiq në të gjalle, sa harrojmë armiqtë e vërtetë që na marrin jetën, përditë.
Të ndrittë shpirti Rajs!
Propozova “Vrasjen Rrugore” dikur, por mbeti rrugëve të Parlamentit. Do mjaftonin vajzat e djemtë që kanë lënë jetën rrugëve nga aksidentet për ta miratuar njëherë e mirë, përpara se kërcitja e vdekjes në rrugë të na vijë te pragu i shtëpisë”, ka shkruar Tahiri.