I pyetur lidhur me zërat për një takim të mundshëm mes presidentit Ilir Meta dhe kryeministrit Edi Rama në Gjirin e Lalzit, kreu i shtetit është përgjigjur duke u shprehur se,
“Ku ka më mirë se dashuria, por për ne politikanët është përgjegjshmëria. Prej një kohe të gjatë ka treguar një papërgjegjshmëri të madhe. Shqiptarët nuk e kanë merituar këtë polarizim të skajshëm. Nuk kam patur mundësi të takohem. Vazhdoj e pres. Mund ti takoj të gjithë sepse kjo është puna ime si presidenti i Republikës”, deklaroi Meta.
“Informacioni ka mbërritur në datë 7, unë kam qenë këtu dhe kam ardhur në datë 8. Nuk besoj se do të zgjidhte diçka pasi të gjithë ishin në fushatë. Sikurse e thashë edhe në komision, kam bërë përpjekje të takohem me zorin Ruçin. Gjykimi i situatës ka qenë kompleks dhe çdo vendimmarrje tjetër do të ishte e padobishme”, shtoi presidenti lidhur me pyetjen e gazetares se pse nuk e ka thirru Këshillin e Sigurisë Kombëtare lidhur me informacionin për sulme ndaj Kuvendit të Shqipërisë.
Deklaratë
Meta në konferencën për mediat, shtoi se shqiptarët jetojnë në dy shtete, atë të së drejtës dhe shtetin e propagandës.
Ai theksoi se përfaqëson shtetin e parë për shkak të detyrës që i është ngarkuar. Meta tha se edhe qeveria ka të drejtën për të marrë vendime që shfuqizon vendimet e mëparshme.
Meta: Për sa i takon qetësisë para Komisionit unë jam gjithmonë i qetë edhe kur artikuloj me forcë. Të gjitha veprimet e mia janë kryer përpara qytetarëve shqiptarë. Nuk kam pasur asnjë arsye të sillesha ndryshe sepse unë dua të bëj të qartë për qytetarët e Republikës së Shqipërisë do të jem shembulli i respektimit të institucioneve.
Presidenti i Republikës ka respektuar në mënyrë të përgjegjshme Kushtetutën, të gjitha detyrimet ndërkombëtare që janë të detyrueshme për Shqipërinë që nga Konventa Evropiane për të Drejtat e Njeriut, për të vazhduar me marrëveshjen e asocim-stabilizimit apo detyrimet si anëtare e OSBE-së. Dokumenti i Kopenhagën është një dokument kyç. Për të ata që i besojnë të vërtetës është e bardha mbi të zezë. Ju dëgjoni shpesh që jetojmë në dy shtete njëkohësisht, në shtetin e propagandës dhe shtetin e së drejtës.
Unë besoj se përfaqësoj shtetin e së drejtës. Në shtetin e propagandës, thuhet që Presidenti nuk ka të drejtë të zhdekretojë. A ekziston fjala në Kushtetutë? Jo! Unë nuk kam të drejtë të zhdekretoj, kam të drejtë të nxjerrë dekrete. Unë kam të drejtë të nxjerr një dekret për të shfuqizuar dekretin e mëparshëm. Qeveria ka të drejtë të nxjerrë një vendim për të shfuqizuar një vendim të mëparshëm.
Në qoftë se do të bëhesha pjesë e shtetit të propagandës, se nuk mund të bëhen se nuk ma lejon detyra. Mua më vjen keq për juristët se hajt më për deputetët e rinj. Po të fillojnë qytetarët të shkojnë në Gjykatën e Strasburgut për çështje analoge do të na shqepin me gjoba. Boll kemi rastin e Bechetin.