Ambasada e Shteteve të Bashkuara të Amerikës në Prishtinë dhe ambasadori amerikan Philip Kosnett, ka bërë sërish një deklaratë të fortë në drejtim të Qeverisë së Ramush Haradinajt, për heqjen e taksës 100 % ndaj produkteve me origjinë nga Serbia.
Sipas SHBA-së, një vendim i tillë do t’i hapte rrugë dialogut të Brukselit, për të cilin thonë se e mbështesin plotësisht si Shtete të Bashkuara të Amerikës.
Ndërkohë është bërë një paralajmërim shumë i ashpër për qeverinë Haradinaj, duke thënë se çfarëdo veprimi që është në kundërshtim me interesat strategjike të SHBA-së, nuk mund të kalojë pa pasoja sa u përket raporteve bilaterale, në këtë rast Kosovë-SHBA.
Në këtë komunikatë thuhet se historia ka treguar që Kosova ka qenë e suksesshme vetëm atëherë kur ka qenë në një linjë me Shtetet e Bashkuara të Amerikës dhe Bashkimin Evropian.