Këtë të mërkurë, kreu i Grupit Parlamentar të PS-së, Taulant Balla është paraqitur në Prokurorinë e Posaçme. Balla ka qenë kallëzuesi për aferën e klanit Berisha dhe është thirrur si person që ka dijeni.
Është një hetim që ka nisur nga SPAK dhe për të janë thirrur një sërë personash që kanë dijeni për të dhënë dëshminë e tyre. Ka qenë Prokurorja Enkelejda Minollaj ajo që është marrë me këtë çështje. Balla është paraqitur sot i vetëm, pa avokat.
Privatizimi i kompleksit “Partizani” është një dosje që tashmë e ka në dorë Prokuroria e Posaçme dhe po e heton për pastrim parash. Më herët, ka qenë në SPAK ish-ministri i Mbrojtjes Fatmir Mediu.
Pritet të thirren edhe ish-kryeministri Sali Berisha dhe dhëndri i tij, Jamarbër Malltezi, një prej pronarëve kryesorë të pallateve që fshiu gjurmët e kompleksit Partizani.