Kryeministri Edi Rama ka treguar për ndjekësit shembullin e Taulant Pupës. Ai është kthyer nga emigrimi dhe ka hapur në Shqipëri fabrikën e qumështit “Vita”. ”Taulanti e la Shqipërinë në moshën 14-vjeçare për të studiuar në Itali, por kur erdhi momenti për të zgjedhur, nuk qëndroi atje. Vendosi të kthehej dhe të investonte në vendin e tij.
Sot falë përkushtimit dhe vizionit, ai ka ndërtuar një histori suksesi me standarde evropiane. Beson se edhe i biri mund të rritet e të arsimohet në një Shqipëri që ofron mundësi”, shkruan Rama.